Shillong, Nohprah 17: U Myntri ba dei peit ia ka tand shna surok u Martin M Danggo u la ong ba ka jingslem ban pyndep ia ka jingkieng ha Riat Mawniuh kaba hap hapoh jong ka Mawsynram PWD Division ka dei namar ba ia ki nar steel ban pyndait ha kane ka jingkieng la hap ban phah kyrpang na ka jylla Orisa.
Na ka liang jong u myntri u la ong ba ka dei ka jingshisha ba kane ka jingkieng kala sah teng hynrei ka PWD kala phah ia ki nar steel ban pyndait ha kane ka jingkieng na katei ka jylla bad kane kala shim por hynrei u myntri u la ong ba kine ki nar kiba la phah kin poi sha kane ka jylla Mynta u bnai bad ynda la poi kine ki nar kin sdang noh ban pyndait iaki ha kane ka jingkieng ha riad Mawniuh.
Kum u MLA u ba hap ban iaid na kane ka lynti ban leit sha konstitwensi u la ioh ia ka jingud jingman na ki paidbah, mar ia shimti ia ka kam u la wad jingtip ba la shem ba ia ki nar ban siang ha kane ka jingkieng la phah na ka jylla Orisa bad mynta kine ki nar kin sa poi noh ha shuwa kane ka Khristmas.
Kum u myntri ba dei peit ia ka PWD u la shim khia ban iohi ba kane ka jingkieng ka dei ban depnoh namar ka jingkieng kaba rim la tor palat bad u don ka jingkyrmen ba shuwa ba kan wan ka lyiur ia kane ka jingkieng yn lah ban pyndep noh namar kaba sah mynta ka long ban pyndait ia ki nar steel ha kane ka jingkieng.
