Shillong, Rymphang 07: Ka Dorbar shnong Laitkor Mawrie Lumheh mynta ka sngi kala pynlong ia ka jingialang paidbah ha Madan Laitkor Pyllun, ha kaba kila don ki nongkren khamtam eh u MLA jong kane ka jaka u Bah Ardent Miller Basaiawmoit, u Bah HS Shylla MDC bad u CEM jong ka KHADC u Bah PN Syiem. Baroh ki nongkren ki pynsngew ba ki pyrshah ia kane ka jingle jong ka MUDA.
Ha kane ka jingialang kila shim ia ka rai ban ai por shibnai ia ka MUDA ban seng ia ka jingeh ha kaba ia dei bad ka jingring light jong ki paidbah sha ki iing ki sem kiba dang shu dep ban shna thymmai namar kane ka dei ka jingeh kaba ki paidbah ha khap sor ki ia kynduh mynta.
Kane ka jingialang ki riew rangbah na ka liang jong ka shnong kiba la kren ki long u bah Stenis Pyngrope Chairman Synjuk Rangbah shnong hima khyriem General Secretary Bah Seibor Warbah bad bun kiwei kiwei ki riew rangbah na ki shnong bapher bapher.
Ha kane ka sngi la sieh ruh sawdong ia kane ka madan ba long jingialang paidbah da ki placard ha kba la thoh ba ki paidbah ki pyrshah ia ka jingkyntur pud jong ka MUDA, kala don ruh ka jingthoh ba kane ka sorkar kaba mynta ka MUA long kum ka nongkit khlieh ia kane ka jingjia, la thoh ruh ba kin ia tylli kawei ban dawa ba ia ka MUDA dei ban weng bad kila don ruh kiwei kiwei ki jingthoh.
