Shillong, Nailur 14: U Myntri kam poh iing u bah Lahkmen Rymbui haba jubab ia ka jingkylli jong u u bah Mohendro Rapsang Congress MLA haba dia dei ka jinbthei bom IED ha Shillong, na ka liang jong u myntri u la ong ba ka tnad pulit kala don ia ka jingtip haba ia dei bad ka jingbthei bom.
Ka tnad pulit kala pyntip sha baroh ba kin long kiba peitngor halor kane ka jingtip kaba la ioh bad kin leh ei ei noh mardor, ban iada ba kan nym jia shuh la bthah ban pynkhlain shuh shuh ia ki lat lumjingtip, ia kane la pynkhlain naduh ki Police Station haduh ki Police beat House ban pynthikna ban shim ia baroh ki lat jingiada.
Ka tnad syntiat jong ki pulit kala dang pynkhlain shuh shuh ban pynthikna ba kum kine ki jingjia kin nym jia shuh ha dien bad kala don ka jingpeitngor bin pa bin ha kaba ia dei bad ka shong suk shongsain ha ka jylla.
U myntri kam poh iing haba jubab ia ka jingkylli bynrap jong u bah Rapsang, u myntri u la ong ba ym shym poi pyrkhat ba ka jingbthei bom kan jia ha katei ka jaka ha Laitumkhrah, la ong ba ki jinglap jong ki pulit u Cheristerfield Thangkhiew u don bynta lang dei na kane ka daw ba ki pulit ki sa leh ia kala kamram.
Halor ka jingkylli Bynrop jong u bah Process T Sawkmie, u myntri kam poh iing u la ong ba ki pulit kim shym don kata ka jingthmu ban pyniaid iano iano ruh, dei na kata ka daw ba ka sorkar kala thung ia ka kynhun tohkit ban lap ia kaei kaba la jia ha ka sngi ba shah siat iap u bah Cheristerfield.
