Shillong, Rymphang 20: Mynta ka sngi ka PIB Shillong kala pynlong ia ka jingiamir jingmut ban pynshai paidbah ha kaba ia dei bad ka jingsiew ia ka khajna na ka kamai ia kaba la tip kum ka “Income Tax” ha ka ktien nongwei,ha kaba ki heh jong ka tnad lum khajna ki la wan ban pynshai ha ka jingiakynduh bad ki nongthoh khubor ka nongbah Shillong mynta ka sngi ha Shillong Club.
U heh duh jong ka tnad lum khajan na ka kamai ba dei peit ia ka Shillong u Ranmoy Das u ba dei u Chief Commissioner Income Tax Shillong, u la batai shai ba ia ki riewlum jong ka dong shatei lam mih ngi jong ka Ri India la pynlait ia kane hapoh jong ka kyndon 10(26) jong ka Income Tax Act, hynrei la pynlait katkum ki kyndon.
U la batai sha kdar ba lada ka jingioh kamai jong u ne ka riewlum kam dei na ka jaka ba la ithuh ba ki dei ki riewlum u hap ban siew ia ka khajana hynrei lada ka jingtrei ne ka kam ka dei hapoh ki jaka ba dei jong ki riewlum wat la ka jingsiew ka wan na sha wei yn nym sha ot khajna.
Haba ia dei bad ka jingot ia ka khajna na ka jaka ba siew ia ka pisa, u Chief Commissioner jong ka tnad lum khajan haba ia dei bad ka kamai u la ong ba, kito kiba dei hok kiba hap hapoh jong ki jaka ba dei ki riewlum ka don ka phom ban pyndap ba kin lait na ka jingshah ot ia kane ka khajna kaba la tip kum ka TDS.
Haba ia dei bad ki jaka hapoh kane nongbah Shillong ka “Normal Area” lada ki dei ki riewlum mynta kimd on shuh ban siew ia kane ka khajna kaba shim na ka kamai jong ki. Ha kane ka sngi la pynshai ba kumno ki paidbah ki dei ban sngewthuh ia kane ka bynta ban lait na ka jingshah khot hajir hapoh kane ka tnad jong ka sorkar pdeng.
Ia kane ka jingialang la pyniaid da u bah David Laitflang president jong ka Shillong Press Club shilong ha kaba la don lang u Bah Alantry F Dkhar ha kaba u la kyntu ia ka tnad lum khajna na ka kamai ba ka dang dei ban pynlong shuh kum kine ki jingialang ban sngewthuh u paidbah bad u la ong ruh ba dei kane ka tnad sorkar ba kam shym la leh kum kine ki jingpynshai paidbah ki por ba la dep.
