Shillong, K.Lyngkot 22: U Deputy Inspector General jong ki shipai Border Security Force ba dei peit ia ka tnad pathai khubor u Praveen Bakshi la iathuh ba ki shipai BSF ki pyrshang ban ia kren bad ki dkhot ka seng HNLC kiba don sha Bangladesh ba kin wan phai sha ka imlang sahlang kumba long lem kiwei.
Haba kren ha ki lat pathai khubor la ong ba kum kane ka jingpyrshang kan long kaba shipor shibun, hynrei kin pyrhsang wan ialam ia ki samla kiba la iaid sha ka lynti kaba bakla ba kin wan phai, kumba kila wan lam ia u bah Junel Tongper bala wan ban aiti sha ki BSF.
U DIG jong ki BSF Shillong Frontier la ong ba ha kane ka snem 2021 la ong ba kila ioh ban bat 155 ngut kibriew kiba la pynkhein ia ki kyndon kiba ia dei ha khappud bad ka Bangladesh, na kine 89 ngut ki dei ki nong India bad 63 ngut ki dei kiba na Bangladesh, 2 ngut dei ki nong Nigeria bad 1 na Africa.
Haba ia dei bad ka jingioh kem ia ki maw magnet ha khppud dang shen la ong ba ki maw bala ioh kem dei ba wan na Bangladesh sha Meghalaya ym ba ki leit na Meghalaya sha Bangladesh. La ong ba ka jingioh kem ia ka jingkhaii tuh ha u snem ba la dep shongdor T.39.47 klur.
La iathuh ba kine ki maw magnet dei kiba la tam na ki tiar ba pyndon kam ha ki komputer, kane kala jignioh kurup ia kine ki tiar ka buh ia ki BSF ha ka jingeh kaei ka jingthmu kaba sha lyndet, na ka liang jong ki BSF kin dang iai trei bor bah ban khanglad ia ki kam sniew ha khappud.
Wat hapdeng jong ka khlam COVID-19 ha u snem 2021 na ka liang jong ki shipai BSF kiba dei peit ia ka jylla Meghalaya kila trei bor bah ban khanglad ia ka jingshim kabu ki nongleh kam sniew ha khappud bad na ka liang jong ki BSF kila dep ban ai tika lut baroh ar sien.
