Shillong, Jymmang 10: Ki shipai BSF kiba la peitngor bha ha khappud Meghalaya bad ka Bangladesh sa shisien kila pyniia ka jingtrei shitom ka jong ki ha kaba kila ioh ban kem ar ngut ki nong India bad ka pisa Bangladesh 3,40,000 lak taka na East Khasi Hills District.
Ki shipai BSF ha dien ba kila ioh ia ka jingtip kaba bniah kila pynlong ia ka jingkhynra ha kahppud bd ka Bangladesh ka dei ha Iew Thymmai ha East Khasi Hills District ha dien ba kila iohi ia ka jingiaid ki ar ngut ki briew ha khappud bad ka Bangladesh.
Ha kane ka jingtalasi ia kine ki briew kila ioh na ka met jong ki ka pisa Bangladesh kaba la kot sha ka 3,00,000 lak taka bad kane ka pisa ka dei da ka kot 500 bangla, ki BSF kila kem ia kine ki ar ngut kiba dei ki nong India.
Ha ka jingtohkit jong ki BSF la ioh ia ka kyrteng jong ki wei u bah Balanus Mawroh a Nongjri Wahsier bad u Eterness Khongsngi na Nongjritluh, kane ka pisa kaba ki rah ka long ban leh ia ki kam khaii beain ha khappud, ia kine kiba la sah kem la iati sha ki pulit jong ka Pynursla.
