Shillong, Nohprah 01: Ka tand ka koit ka khiah mynta ka sngi kala pyntip ba kiba la test COVID-19 positive ha ka jylla ki don 30 ngut, na kine 26 ngut dei na East Khasi Hills, na East Garo Hills 2 ngut, West Khasi Hills 1, Ri Bhoi 1, kiba dang shitom baroh ki don 298 ngut.
Kiba la ioh ia ka jingkoit na kane ka jingpang mynta ka sngi ki don 26 ngut, na kine kiba la koit na East Khasi Hills ki don 24 ngut, na West Garo Hills 1, na Ri Bhoi 1, baroh kiba la koit ki don 82739 ngut.
Katkum ka jingkhein kaba la ai mynta ka sngi District kiba la lait na kane ka jingpang COVID-19 ha kane jylla ki don saw tylli ki District, ka North Garo Hills, South Garo Hills, South West Garo Hills, South West Khasi Hills,
Na ki District kiba bun eh kiba dang shitom na kane ka jingpang COVID-19 ka dei ka East Khasi Hills District ha kaba kiba dang shitom ki don 251 ngut hapoh ka District, kaba dang bun kiba shitom dei sa ka Ri Bhoi District 9 ngut, ka West Jaintia Hills 9 ngut bad ka West Garo Hills 8 ngut.
