Shillong, Nailar 29: Katkum ka jingkhein kaba la ai da ka tnad ka koit ka khiah ka long ba kiba khlad na ka jingpang COVID-19 positive ha kane ka jylla Meghalaya kala kiew sha ka 1306 ngut haduh mynta ka sngi.
Kiba khlad na kane ka jingpang mynta ka sngi ki long 7 ngut, na kine 4 ngut dei kiba khlem pat ai Tika, kiba khlad mynta ka sngi ki long na East Khasi Hills 6 ngut, na West Khasi Hills District 1, kiba khlad baroh kila kiew sha ka 1306 ngut.
Kiba la test COVID-19 positive na kane ka jingpang mynta ka sngi ki long 265 ngut, kiba la test bun eh dei ha East Khasi Hills 116 ngut, Ri Bhoi 49 ngut, kiba dang shitom ha ka jylla baroh kawei haduh mynta ka sngi ki long 2636 ngut.
Kiba la ioh ia ka jingkoit na kane ka jingpang ki long 332 ngut, kiba la koit bun eh ki dei na East Khasi Hills 199 ngut, na Ri Bhoi 50 ngut, kiba la koit baroh na kane ka jingpang haduh mynta ha ka jylla ki long 71659 ngut haduh mytna ka sngi.
