Shillong, Nailar 22: Ka tnad ka koit ka khiah kala ai jingkhein ba haduh mynta ka sngi kiba la dep ban ai Tikna ban iada ia ka jingpang COVID-19 kila kot sha ka 12,81,593 ngut haduh mynta ka sngi.
Katkum ka jingkhein ka long, kiba la dep ban ai ia ka Tika kaba nyngkong ki long 9,98,990 ngut, kiba la dep ia ka Tika baroh ar sien ki long 2,82,603 ngut baroh kiba la dep ban ai Tika ki long 12,81,593 ngut haduh mynta ka sngi.
Lah ban kdew ba u symbut myntri rangbah ka jylla u bah Prestone Tynsong ba dei peit ia ka tnad ka koit ka khiah ha kine ki khyndiat sngi u la pyntip ba kiba la dep ban ai Tika ha kane ka jylla kila kot kumba 49% ei ei haduh mynta.
