Shillong, Naitung 18: Ka kong Ampareen Lyngdoh ka ba dei ka Myntri badkum ka Nongaiktien ka Sorkar Jylla, hynne ka sngi ka la ong ba ki Sengbhalang kiba pyrshah ia ka jingpyniasoh lynti rel ha Ri-lum Khasi bad Jaintia, ki dei ban leit sha Mendipathar Railway Station.
Kane ka jingkren ka myntri ka long ba kin leit ban pynlong ia ka jingwad bniah la ka lynti rel ka la wan rah ia ka jingrung kyrthep ki bar jylla, ka don ne em ka jingduhnong ne iohnong na ka jingdon ka lynti rel.
ka Myntri, la la ong, ka lynti rel ka la wanrah ia shibun ki jingmyntoi ia ki paidbah ka Ri-lum Garo bad ma ka hi, kam pat ju iohsngew ia kano kano ka jingrung kyrthep ki mynder. Kumjuh ruh ka la bynrap ba kino kino ki kam ba ka Sorkar ka shim rai, kim dei satia ki ban long pyrshah ia u paidbah.
Katba ka Kong Ampareen ka la ban jur halor ka jingeh ban pyniasoh lynti rel namar ka jingduna ki jaka madan bad ba bun ki dei ki jaka lum.
Ka la ong, Ngi don ia ki jaka kiba long ranab lum. La kan long kaba seisoh ne em kan dei kaei kaei kaba ngin hap ban iohi. Ka mat hangne ka long ba baroh ki kam ki don ia ki minus bad ba long pyrshah, Ha man ka por ba ka Sorkar ka pyrkhat ia kaei kaba bha, mih ki jingpyrshah na ki paidbah.
Haba bynrah ha ka jingkren ka kong Ampareen Lyngdoh Ka la kubur ruh ba, yn ym don ki Sorkar ki ban jam shakhmat bad leh ia kiei kiba pyrshah da u paidbah namar ki don hangne ban synshar na ka bynta ka jingmyntoi u paidbah. Balei ban iaid pyrshah ia ka mon u paidbah.
