Shillong, Jymmang 05: U Superintendent ki pulit jong ka East Jaintia Hills District u Jagpal Singh Dhanoa la ong ba ha u snem 2021 kila don haduh 21 ngut ki briew kiba la duh ei ia la ka jingim na ka jingiatyngkhuh kali mynta u snem 2022 haduh mynta ki don 8 ngut kiba la khlad.
Na kiba bun kiba khlad na ka jingtyngkhuh kali, ki pulit ki shemb a dei na ka jingpynher sted pala ia ka jingniah ia ki kali bad ka jingiaid khlem akor bad kiba bun na kine dei ki khynnah kiba dang rit ka rta. Kane ka jingniah sted kam dei ba ka ktah tang ia ki nongniah hynrei ia ki paidbah ruh kiba iaid.
Na ka liang jong u SP ka East Jaintia Hills la ong ban iada na kane ka jingniah kali bad ia ki kali ar shah kiba pynher sted na ka liang jong ki pulit kin sdang ban khynra noh bad lada shem ba ki dang don kiba pynkhein ia ki kyndon ym pynshitom ia ki katkum ka ain.
