New Delhi, Iaiong 23: Ki don 1351 ngut ki kyrtongna 12 tylli ki Jylla abd UT kin iakhun ia ka elekshon ha ka bynta kaba 3 jong ka elekshon sha ka iing dorbar thawain LokSabha 2024. Kane ka kynthup 8 ngut ki kyrtong ki ban iakhunia ka elekshon kaba la pynjlan ha ka 29-Betul (ST) PC jong ka Madhya Pradesh.
Shuh shuh, uwei u kyrtongnaSurat PC ha Gujarat u la jop khlem da donkam iakhun. Ka tarik kaba khatduh ban weng noh ia ka jinglong kyrtong na ka bynta baroh kine 12 tylli ki Jylla bad UT ka la hap ha ka 22 tarik u Iaiong, 2024.
La ioh pdiang 2963 ki nomination na ka bynta 95 tylli ki PC (ba kynthup lang ia ka 29-Betul) ha 12 tylli ki Jylla bad UT ban long elekshon ha ka bynta kaba 3 jong ka elekshon Lok Sabha 2024.
Ka tarik ba khatduh ban pyndep ia ka nomination ia kane ka bynta kaba 3 ia baroh 12 tylli ki Jylla bad UT ka la hap ha ka 19 tarik u Iaiong, 2024. Hadien ba la dep peit ia baroh ki nomination ba la ioh pdiang, la don 1563 ki nomination kiba treikam.
Ha ka bynta kaba 3, ka Gujarat ka la bun tam ki nomination form ha kaba la don 658 tylli na 26 tylli ki Parliamentary Konstituensi, bad la bud da ka Maharashtra kaba don 519 tylli ki nomination na 11 tylli ki PC.
Ka 40-Osmanabad Parliamentary Constituency ha Maharashtra ka la ioh pdiang bun tam ki nomination phom ha kaba la don 77 tylli bad la bud da ka 5-Bilaspur PC ha Chhattisgarh ha kaba la don 68 tylli ki nomination form.
