Jowai, Nailar 31: Ka Khasi Students Union myn haka 29/8/2020 ka la hiar sha shnong Sahsniang West Jaintia Hills , naka bynta ban pynthymmai biang iaki nongkitkam ka KSU Sahsnian
g Unit.
Lah ban pynkynmaw iakatei ka tnad treikam jong ka KSU ha Sahsniang la pynshkem nyngkong ha u snem 2008, bad katei ka Tnad treikam ka la trei shitrhem bha haduh kine ki sngi.
Haka jingialang pynshkem iaki nongkitkam ba thymmai ka KSU Sahsniang Unit, la wan ban pynbam smai da u samla Spaindarsing Lyngkhoi Office Secretary ka KSU Sengkmie ha ryngkat ka jingdon lang u Samla Rueben Najiar Asst Education Secy KSU Sengkmie, Samla SS Niangti Finance Secy KSU JHDU, Samla Shaniah Shkem Dkhar, Samla Justice Paul Lyngdoh, Samla Balawan Suchiang, Samla Dannywanki Lyngdoh bad u Samla J Lathong Ex President ka KSU Sahsniang Unit.
U Samla Spaindarsing Lyngkhoi haba ai jingkren ula ong ba kum ki dkhot ka KSU ki dei ban long kiba shkem ka jingmut jingpyrkhat bad shkem ka nongrim kaba ki ieng.
“Haba phi long ki nongialam kin don shibun kiban wan ban tuh buit, bad kiba wan ban pynbiej iaphi khnang ba kin ioh ban pyndonkam iaphi, hynrei haba phi shkem ka nongrim kaba phi ieng, ka pynpulom noh iaki” la ong u samla Spaindarsing.
Haba kyntu iaki dkhot ka Seng ba kin long kawei, u Samla Spaindarsing ula ong ” To ngin klet noh iaka jingsngewiapher niam, ka jingsngewpher thaiñ, ka jingsngewpher shnong, hynrei to ngin iatylli lang noh kawei naka bynta ban iakhun iaki daw bah ka Jaitbynriew”
U Samla SS Niangti pat haba ai jingkren u la ong, ” Ka KSU Sahsniang Unit kadei ka tnad treikam kaba long kum ka nongai khubor sha ka Seng, ne wat sha ka Sorkar ruh haba don kino kino ki jingjia kyrkieh kiba lah ban jia ha ki shnong Khappud bad ka Assam”
“Haman ba don ki jingjia ha Khappud, dei ka KSU Sahsniang Unit kaba shait pyntip sha ngi ” la ong shuh shuh u samla SS Niangti.
Katba u Samla Rueben Najiar pat ula ong haman ba mih ki Issue kiba ktah iaka Jaitbynriew dei ka KSU beit kaba mihnyngkong shakhmat ban pynpaw pyrshah iaka jingthmu jong ka Sorkar ban iuhroit iaka Jaitbynriew.
“Wat tang iaka jingiakhih CAA ruh ympat dep, hynrei mynta la mih sa ka Draft EIA 2020 kaba buh ka jingma kaba khraw iaka Jaitbynriew jong ngi” la ong u Samla Rueben Najiar.
“Lada urlong ka EIA, khlem pep ka Jaitbynriew jong ngi dei kaba shah ktah nyngkong, ka sorkar ka lah ban shim iaki jaka katba ka mon khamtam ban tip ia u Uranium uba don hapoh ka Jylla jong ngi, kumta kum ki dkhot ka KSU ngi dei ban pyrshah jur iakane” la pynkut u samla Rueben Najiar
Ki nongkitkam ka KSU Sahsniang Unit ki long Samla Yoolang Lathong President, Darington Kamar Vice President, Hababiang Syngkon Vice President, Shanlang Hadem Asst General Secy,Mardaplang Kamar Finance Secy,Iaid Shaphrang Rabon Education Secy,Lamphrang Tang Organising Secy,Christopher Biam Publicity Secy, Rimanroy Kamar Cultural Secy, Wansanmi Rabon Sport Secy, bad 14 ngut ki dkhot.
