Shillong, Jymmang 06: U Bah Aristotle Rymbai President jong ka MSSASA u la ong ba kumba ka long mynta ka jingdawa jong ki kala iaid sha khmat bad wat kito ki nonghikai kiba khlem pat pyndep ia ka Diploma in Elementary Education (D.El.Ed) ruh kin sa ioh ia ka jingsiew kumba ioh lang kiwei ynda ka sorkar kala pynmih ia ka jingpybna sorkar, hynrei hapoh ar snem ki hap ban pyndep pat ia ka D.EL.Ed.
Ka jingialang jong ka general meeting jong ki nonghikai MSSASA kaba la long mynta ka sngi ha Khasi National Dorbar Hall ka long ia ki ar tylli ki District jong ka Khasi bad Ri Bhoi District ha kane ka jingialang kila ia kren bad pynshai ia kaei kaba ka sorkar kala pynkhreh ban leh na ka bynta jong ki nonghikai SSA.
Ha kaba ia dei bad ka jingpyndep ia ka jingshah hikai kaba kyrpang kum ki nonghikai ia ka D.EL.Ed, na ka liang jong ki nonghikai ki kloi ban pyndep ia kane ka training lada ki dei ban pynlut na lade ruh, hynrei ka sorkar ka dei ban ong pat kiwei kita ki jaka kiba la ithuh da ka sorkar ba kin pyndep ia kane ka jinghikai kaba kyrpang.
Ha kaba ia dei bad ka Rai jong ka Kabinet ban pynkiew tulop da 100 percent ia ki nonghikai 4th Teachers kaba mut ba kine ki nonghikai kin ioh noh T.12000/- tyngka na ka liang jong ki kum ka seng kin dang ap mynta ia ka jingthoh na ka sorkar halor kane ka rai. Kum ka jingkwah jong ka seng ba kine ki nonghikai ruh ki dei ban ioh lang ia ka juh ka tulop.
Kaba ym lah ban sngewthuh ka long ba ha kiwei ki jylla ia kine ki nonghikai la tip kum ka additional teachers, katba ha kane ka jylla Meghalaya pat la khot ia kid a ki 4th Teachers, ka seng kan dang iai wad jingtip ha kaba ia dei bad kane namar ki kwah ban ki ruh kin ioh ia ka juh ka bainong kumba ia ioh lang namar kid ei na ka juh ka thymmei.
