Shillong, Jylliew 06: U Bah Shibun Lyngdoh President jong ka BJP Meghalaya State Union u la ong ba lada u MP jong ka seng Congress u Gautam Gogoi u kloi ban ia tainia bad u Nalin Kholi na lam ktien jong ka seng u kloi ban pyniakhynduh.
Haba kren ha ki nongthoh khubor mynta ka sngi ha Ophis trei kam jong ka seng BJP, u Bah Lyngdoh u la ong ba la da u kloi shisha u Gogoi ban ia tainia ai jingtip sha ka party bad bay n pyntip sha u Nalin ban ia pynbeit ia ka sngi ban ia tai halor ka jylla Meghalaya.
Kane ka jingong jong u president jong ka BJP Meghalaya state Unit ka long halor ka jingkam jong u tei u nongialam jong ka seng Congress ba u kloi ban ia tainia bad u Nalin ha kaba ia dei bad ka dong shatei lam mih ngi jong ka Ri India ha ka jingwan ka jong u ha Shillong ha kine ki sngi kiba la la dep.
Hynrei na ka liang jong u nongialam jong ka seng BJP u Nalin u la kop ia u myntri rangbah ka jylla Meghalaya u Dr Mukul Sangma ban ia tainia halor ka roi ka par ha kane ka jylla. Ia kaba u Dr Mukul u la ong ba u Nalin u dei tang u nongpeitkai.
