Pynursla, Risaw 26: Ki khun ki ksiew jong u Bah Brington Buhai Lyngdoh ryngkat ka party UDP mynta ka sngi kala pynlong ia ka jingrakhe burom ia ka lyngkhuh snem sngi iap kaba 13, ia kaba la pynlong ha Pynursla kaba dei ka constituency kaba u la mih khmat sha ka iing dorbar thawain ka jylla.
U Bah BB Lyngdoh, u la long u myntri rangbah u ba lai ha ka jylla Meghalaya bad kum u myntri rangbah u la pynsah nam ia lade ha kiba bun ki liang ban kyntiew ia ka roi ka par ha ka jylla kum ka MLA skhim kaba la trei kambha ha duhkine ki sngi bad kane ka dei na nuksa ba wat ka sorkar pdeng kala shim ban pyntrei kam, MP skhim kaba ngi khot mynta.
Ha kane ka sngi kynmaw burom ia ka lyngkhuh sngi iap jong u ne u rangbah, la pynlong ha pdeng ka jingiadon lang ki khun ki ksiew, ki kur bad ryngkat ka party UDP ka seng u ba u don haduh ki sngi kiba khatduh ki jong u ban shakri ia ka jaidbynriew.
Ha ka jingkren jong u Bah Titosstarwell Chyne MLA jong ka Sohra, u la kular ban noh syniang saw lak tyngka n aka bynta ban tei ia ka Memorial Hall ha ka kyrteng jong u BB Lyngdoh bad ban shna ia ka Durmot ban pynsah kynmaw ia une u riew rangbah.
U Bah Titos u la ong ba ka jingkynmaw burom ia u Bah Bring ka don ka daw bah, kum ka jaidbynriew kala sei shibun ki nongialam, hynrei u Bah Bring u long u ba khraw ka jingmut pyrkhat bad kumba ka long haduh mynta ym pat don hapoh ka jylla ban ia ryngkat ha ka pyrkhat pyrdain bad une u riew rangbah.
Kaei kaba la pynsah nam kyrpang ka long ba u Bah “ Bring u dei u kpa jong ka sorkar khleh khaw long” bad u la hikai ruh ban long u ba shlur ban “ Ong hooid ia kaba dei ban ong Hooid bad ban ong em ia kaba dei ban ong Em” u ne u rangbah u la leh ia kane, kaba ki nongmih khmat mynta ki kwah beit tang ban iaroh ha ki lad pathai khubor.
Ha kane ka sngi u Dr Jemino Mawthoh MLA jong ka Nongthymmai ruh u la ai jingkren, kila don ki nongkit kam jong ka seng UDP, ki kur ki kha, ki khun, u Bah Kynsai M KHonglah, ka Kong Syrpailin bad shibun kiwei kiwei ki riew rangbah kiba la wan bania shimbynta ha kane ka jingkynmaw burom ia une u riew rangbah jong ka jaidbynriew Khasi.
