Kular u myntri ka tnad pule ka sorkar pdeng ban weng ia ki jingeh ha ka skul bah NEHU

Shillong, Naiwieng 12: U Myntri Rangbah ka jylla u Conrad K Sangma mynta ka sngi u la pyntip ba u la ioh ia ka phone na u myntri ka tnad pule puthi jong ka sorkar pdeng u Dharmendra Pradhan ha kaba u la kular ban un sa shim ia ki lat ki lynti ban weng ia ki jingeh hapoh ka skul bah NEHU.

Ha ka juh ka por u myntri rangbah ka jylla u la pynpaw ia ka jingai khublei ia u Lat ka jylla Chandrashekhar H. Vijayashankar bala shim khia ban tuklar lem ia kane ka kam kaba la jia hapoh ka skul bah NEHU.

Ha kine ki sngi u Myntri Rangbah ka jylla u la phone sha u myntri ka tnad pule jong ka sorkar pdeng bad u la pyntip ia kaei kaba la jia hapoh kane ka skul bah bad  mynta ka sngi la ioh ia ka phone ha kaba la kular ban weng ia ki jingeh.