Shillong, Nailur 04: ka seng Hynniewtrep Youth Council delegation (HYC) kala leit ban ia kynduh ia u Director of Higher and Technical Education jong ka sorkar jylla ban dawa na u ba dei ban weng noh mardor ia ka jingpynbna sorkar ha kaba ia dei bad ka bai kam jong ki khynnah skul ha kaba la ong ba don kam ia u Aadhaar number .
U general secretary ka seng u Bah Robertjune Khar jahrin u la ong ba ha kane ka jingiakynduh bad ki dkhot jong ka seng na ka liang jong u The Director u Ram Singh ha dien ka jingiakren bad ki nongialam jong ka seng la ong ba un sa ia kren bad ka sorkar halor kane ka kam.
Na ka liang jong ka HYC kan leit ruh ban ia kynduh ia u myntri ba dei peit ia ka tand GAD u Bah HDR Lyngdoh ban ia dawa na u ia ka jingpynshai ha kaba ia dei bad kane ka kam Aadhaar. La ong ba lada u myntri um lah ban ai ia ka jingpynshai ka seng kan leh da kumwei pat.
