Shillong, Iaiong 05: Kum ka jingtihuh ia ka jingtrei shitom, ka “Smart Charitable Trust” kala pynkup burom ia ki ar ngut ki pulit kiba pyniaid kali u Sabitri Rabha jong ka Laitumkhrah bad u Chandradhar Basumatry jong ka Madnriting. Kane ka khusnam kaba la pynkup burom ia ki ka long na ka bynta jong u snem 2016-2017.
Kane ka jingpynkup burom ka kynthup ia ka certificate bad ia ki jingai sngewbha ia kine ki ar ngut ki pulit kiba la trei minot ha ka kam. Ia kane ka kynhun trei mon sngewbha la sain dur da u Prashan Naik, Retd. IAS. Ex Addl. Chief Secretary,jong ka sorkar Meghalaya ryngkat bad kiwei ki heh sorkar.
Ka jingthmu jong kane ka long ban ai burom ia ki riew paidbah kiba don ha ka kam kiba la noh syniang ia ka imlang sah lang. nalor ki dkhot jong ka Trust, la don lang ruh u SP jong ka East KHasi Hills u Davis N R. Marak, IPS. uBah Vivek Syiem, MPS. Superintendent ki pulit (City), Shillong, u Bah N K. Syiem, MPS. Superintendent of Police (Traffic), Shillong bad u Dr. Sacheng R Marak, MPS. Addl. Superintendent ki pulit ba dei peit ia ki kam pyniaid kali.