Shillong, Jylliew 26: Katba ki pulit ki dang ia bum kam ha kaba pyniaid rally ia ki bike ha Sardar Police station ban rakhe ia kane ka sngi pyrshah drugs ha ka pyrthei, kiwei pat ki pulit kiba dang iaid pahara ia ka Police Bazar kila ioh ban kem ar ngut ki briew ryngkat bad u kynja u ba la kot haduh 41.198 kilo ia kaba la song bha ha ki jingsop kot.
Katba ki pulit ki dang iaid pahara ha police bazaar, kila iohi ia ar ngut ki briew ha kaba ka rukom iaid ka jong ki ka long ia shan khmat bad ki pulit kila khang kdong ia ki bad bat ia ki ha ka jingbat jong ki pulit la lap ba ki dei ki ba wanrah ia u kynja na ka jylla Tripura ia kaba la tip kum u Marijuana bad ki pulit kila rah ia kine ki briew sha thanad bad kem ia ki.
Kine ki ar ngut kiba la shah kem la tip kyrteng kum u Nirani Deb Barma 26 snem bad u Mangal Deb Burma 19 snem baroh ar ngut ki dei na ka jylla Tripura, na ka liang jong ki pulit ki kam ba kane ka dei ka jingioh kem kaba heh bha ha dien bun bun snem.
Baroh ar ngut kine ki briew mynta ki don ha kti jong ki pulit na ka bynta ban tohkit, ban lap ia ki nongkhaii kynja ha kane ka nongbah Shillong bad ban lap ia ki don kti ha kane ka kam khaii beain.
