Shillong, Jylliew 09: Ki shipai BSF kiba don ha Umsyiem kila ioh ban kurup shibun bah ki jain saree bad la ong ba ka dor jong ki kala kot sha ka T.31 lak tyngka bad ia kine ki jain la song ha kata ka rukom ban suk ban bret sha shilliang jong u pud jong ka Bangladesh ban suk ki nongkit na Bangladesh.
Ha kawei pat ka jingjia ki shipai BSF kila ioh ban kem da ki bun byrni u kwai u ba ki nongkhaii kila thmu ban phah sha Bangladesh bad ka dor jong u kwai u ba kila ioh ban kurup kala kot sha ka T.7 Lak tyngka bad kane ka jingioh kurup ia u kwai ka dei na Pyrdiwah kaba ia jan bad ka Umsyiem.
Ha kane ka jingioh kurup ia kine ki mar khaii beain na ka liang jong ki BSF kim shym la ioh ban kem iano iano ruh namar ba ka jingiakhaii ka long ha ka por miet bad ki nongkhaii tuh tang shu iohi ba la wan ki BSF kila phet krad ban lait na ka jingshah kem.
Na ka liang jong ki shipai BSF ki kam ba kane baroh ka jai namar ki don ki briew kiba trei ia kane ka kam na kito ki shnong ba mar jan kiba tip bha ia ka lynti syngkieng ban ki briew kiba na sha bar kin nym lah ban leh ia kane ka kam khaii beain. Na ka liang jong ki BSF kila dang pynjur ia ka jingpahara ha ki khappud bad ka Bangladesh.
