Shillong, Naitung 14: Mynta ka sngi dang step ki shipai BSF kiba don ha Bagli Border Out Post kila ioh jingtip ba ki don ki briew kiba thmu ban rung sha Bangladesh hynrei haba la iohi ia ki BSF kila phet noh na katei ka jaka bad ki BSF kila ioh ban kurup hduh 16 tylli ki song.
Ki BSF kila rah ia kitei ki song bad haba la plied ia ki la shem ba dei ki jain saree bad kine ki jain kila kot sha ka T.14 lak tyngka na Bagli kaba hap hapoh jong ka South West Khasi Hills District.
Kine ki nongkhaii beain kila ioh ban phet na ka tei ka jaka namar ka jinglong khlaw da kaba iehnoh noh ia ki jingkit ban lait na ka kti jong ki shipai BSF,ia kine ki tiar ba la ioh ban kurup la aiti sha ki Kostom kiba don ha Borsora.
Ki BSF ki long kiba peitngor ban pynthikna ba ki nongkhaii beain kim dei ban ioh lat ban ia khaii beain ha khappud bad ka Bangladesh, ka jingioh kem bad ki jingtip kaba ki ioh ka long ba ki BSF kila pynkhlian shuh shuh ia ki bor syntiat.
