Shillong, Jymmang 11: Ki shipai BSF mynta ka sngi kila ioh ban kurup shibun ki jain saree bad u ktung tyrkhong na khappud bad ka Bangladesh na ka shnong Umsyiem kine baroh ki dei kiba thmu ban phah sha Bangladesh na ki nongkhaii beain.
Ki shipai BSF kila iohi ia kawei ka kali Mahindra Pic-Up kaba la sangeh ha khappud bad ka Bangladesh bad haba ki shipai BSF kila leit sha kane ka kali la ba ki don ki jain saree haduh 3000 tylli bad ka dor jong ki kala kot sha ka 28 lak tyngka bad ia kine ki jain la thmu ban phah sha Bangladesh.
Ha kawei pat ka jingjia na ka liang jong ki BSF kila ioh ban kurup shibun bah ka ktung tyrkhong na ka shnong Pyrdiwah bad ia kine ki ktung kiba la thep ha ki byrni la kit da ki briew ban pynrung sha Bangladesh. Kine ki ktung tyrkhong kiba la ioh ban kurup mynta ka sngi ka long haduh 2010 kilo bad ka dor kala kot sha ka 9 lak tyngka.
Na ka liang jong ki BSF kila pynpaw ia ka jingsngewkhia kaba jur halor kane ka jingkiew kine ki kam khaii beains ha Bangladesh, na ka liang jong ki BSF kila pynjur ia ka jingpahara ban peit ba kane ka jingiakhaii beain kam dei ban don ha ki kahppud bad ka thie ka Ri Bangladesh.
