Shillong, Lber 03: Ki pulit jong ka jylla Meghalaya mynta ka sngi ki la leit ban khyndang ia ka iing jong u Sabyasachi Pal Choudhury kaba don ha Veronica Lane ha Laitumkrah namar ka jingleh jong u kum u IPS officer.
Na ka liang jong ki pulit kila bud dien ia ka iaid ka ieng ka jong u mynta la kham bun bnai ban lap ia ka iaid ka ieng jong u tei u briew u ba kila suba ba u la leh thok leh shukor ha kaba ia dei bad katei ka kyrdan.
Ha kane ka jingleit khyndang ki pulit kila ioh ban kurup shibun ki uniphom na ka tei ka iing kaba u sah, ki ID Cards kiba dei jong ki IPS officer ha ka kyrdan IGP, ka kali bala pyndon kam da ka light saw ki lama.
Kat haduh ba thoh ia kane ka khubor na ka liang jong ki pulit ki dang iai bteng ia ka jingkhyndang ia kane ka iing ban lap shuh shuh ia ka jingleh buit thok shukor jong u tei u briew la ong u SP ka East KHasi Hills u bah M Kharkrang.(SP News)
