Shillong, Iaiong 16: Ki shipai BSF kiba don ha South Garo Hills District ha dien ba kila ioh ia ka jingtip ba don ba poi u kwai supari bala wan poi na Bangladesh sha ka shnong Dampukaphal, haba la ioh ia kane ka jingtip kila pynlong ia ka jingkhynra bad la ioh ban kurup 5000 kilo na kawei ka kudam.
U kwai Supari bala wan kit na Bangladesh ha ka dor iew la khien ki shipai BSF kala kot sha ka T.11 lak tyngka, kane ka shnong Dampukaphal ka hap hapoh jong ka Rongra Police Station ki BSF kila ioh ban bat ruh ar tylli kali kiba kit kwai supari katba ki nongniah kila ioh ban phet na katei ka jaka.
Ki shipai BSF kila aiti ia kine ki ar tylli ki kali bad ia u kwai supari sha ki pulit jong ka Rongra Police Station ban leh ia kaba don kam katkum ka ain. Lah pynkynmaw ba dang shen ki BSF kila ioh kurup kwai supari h East Jaintia Hills ba wan na Myanmar.
