Shillong, Naitung 29: Ki shipai BSF kiba don ha khappud ban pahara ia u pud u sam jong ka ri bad ka Bangladesh mynta ka sngi kil ioh ban kurup ar trok ki muid na Ichamati bad 30 tylli ki masi na jan Dangar na East Khasi Hills District.
Ia ki muid bad ia ki masi la kurup na jan khappud bad ka Bangladesh dei halor kane ka paw shai ba kine ki muid bad ki masi ki dei kiba la thmu ban khaii beain sha Bangladesh ym ba pyndon kam ha India.
Na ka liang jong ki BSF, ia ki muid bad ia ki masi la aiti sha ki pulit ba kin pyndep ia kaba don kam katkum ku kyndon jong ka ain, ia ki muid la aiti sha ki pulit ka Shella ia ki masi la aiti sha ki pulit ka Dangar.
Mynta u snem ha kine ki hynniew bnai ki shipai BSF kila ioh ban kurup haduh 2000 tylli ki masi na kylleng ki bynta jong ka jylla Meghalaya ha khappud bad ka Banglasesh, ki BSF ki long kiba peitngor ban peit ba ki kam khaii beain kin nym ioh lat ha khappud.
