Shillong, Kyllalyngkot 31: Ki shipai BSF kiba don ha Borsora khappud bad ka Bangladesh mynta ka sngi kila ioh tam ia kawei ka pla bad haba kila plied ia kane ka pla la lap ba ki don lai tylli ki pistol bad ki kuli ryngkat ki riam shipai.
Haba ki shipai BSF katba ki dang iaid pahara ia kane ka thain Borsora ha khappud bad ka Bangladesh kila iohi ia ka jingiphylla ha kawei ka synrang maw ha kaba la tap da ki phlang. Haba ki shipai BSF kila kyndang ia ki phlang la lap ia kawei ka pla.
Haba kila plied ia kane ka pla la lap da ki pistol bad ki kuli ryngkat ki riam shipai na kane ka jaka. Ki shipai BSF ki kam ba kane ka dei ka jingleh jong ki nonglute jong ka Ri Bangladesh kiba la juh pynma ha ki bynta jong ka Rajaju, Nonghyllam,Nongjri bad kiwei ki bynta jong katei ka thain.
Na kane ka pla la lap ruh ia ki ID Card jong ki bad ka kyrteng jong ki ki long u Rashid na ka shnong Burbaktela, u Sujan, na ka shnong Telagaon,U Piyush na ka shnong Banglabita bad u Appu,ba mynshuwa u shong u sah ha Khanjoy hapoh India mynshuwa bad mynta u la shah ha Telagaon ha Bangladesh.
Ki BSF ki kam ba u Akbar Ali, na ka shnong Tahirpur, mynshuwa u trei bad u Markos Ex – ANVC cadre, u ba dei na ka shnong f Rajai bad kine ki hap hapoh jong ka Tahirpur police station Sunamganj District jong ka Ri Bangladesh Bangladesh.
Ki BSF ki ong ba kine ki riew runar jong ka Ri Bangladesh ki rung ki mih sha kitei kibynta jong ki nongbylla bad ki buhrieh ia kine ki riam jong ki ha khlaw bad ynda kila rung sha India ki pyndon kam ia kine ki riam bad ymda kila dep leh ia kine ki kam runar kila loit biang bad leit phai sha Bangladesh kum ki nongbylla.
