Shillong, Iaiong 23: Ha ka jingiatrei lang ki shipai BSF ka jylla Meghalaya bad ki pulit ka jylla kila ioh ban kurup haduh 44,000 kilo u shini ba thmu ban shallan beain sha Bangladesh na South Garo Hills District.
Kane ka shini kaba la ioh ban kurup ka long na ki ar jaka, kawei na ki iing jah kiba don ha khappud bad kawei na ka trok bad ha kane ka jingioh kurup ia shini la ioh ban kem ruh 4 ngut ki nong India.
Katba ki pulit ki dang pahara ha khappud la iohi ia ka jingiaid u wei u briew ha khappud bad ka Bangladesh kaba la ishan khmat ia ka rukom iaid kumta ki BSF kila khakdong bad ha kane ka jingioh bat ia u tei u briew la ioh ban kurup 790 byrni u shini bala buh rieh ha iing jah.
Ki saw ngut ki nong India kiba la ioh ban kem ki dei na Golpara jong ka jylla Assam bad ha kane ka jingap ktem la ioh ban bat ar tylli ki trok ha Rongra kiba kit shini ki pulit kila shimti ban leh ia kaba don kam katkum ka ain.
Kane ka jingioh kurup ia ka shini ba mut ban khaii beain sha Bangladesh dei ka jingtrei shitom jong kiBSF da ka jingiatreilang bad ki pulit ka jylla ha khappud bad ka Bangladesh ban ia khun pyrshah ia kane ka kam khaii beain.
