Shillong, jylliew 11: Ka pakhang shnong kaba 24 kynta jong ka seng lehnoh HNLC ka ba la sdang naduh myn hynnin ha ka por hynriew baje janmiet bad ka la kut noh mynta ka janmiet ha ka por hynriew baje.
Kane ka jingkhot pakhang jong ka ne ka seng lehnoh ka long ha baroh ka wei ka rilum Khasi bad Jaintia, bad ka daw jong ka jingkhot pakhang jong kane ka seng ka long halor ka jingpyrshah ba khang tih dewiong da ka NGT.
Wat la kane ka jingkhot pakhang da kane ka seng kam da iaid bha ruh hynrei ka la ktha shibun ia baroh ki paidbah nongleit nongwan khamtam eh kito kiba bylla sngi ki la duh noh ban leit bylla hynrei ki kloi ban kohnguh iaka ei kaba kane seng ka la pynbeit namar ka seng ruh ka leh na ka bynta ka jingbha jingjong u paidbah.
Ha kine ki kynta pakhang ba la pynkhot ban pynlong da kane ka wei seng kai khlaw kaba don ha Khasi bad Jaintia baroh ki ophis sorkar ki khang kyrdep lut khamtam ha Nongbah Shillong,ki lynti ki synkien ki surok ki kynjah jar, hynrei ki don tang katto katne ki kali ki ki ba iaid ha surok hynrei ki kali kamai kim shym la kamai.(SP News)
