Tura, Jylliew 20: Hadien ka jingiaksaid kaba la neh katto katne por ha kaba ia dei bad ka iew ha Tura kaba la shna ha ka jinglut kaba la kot sha ka 2.6 klur, ka myntri pynroi sor ka Kong Amparren Lyngdoh ka kwah ban pynbeit ia ki jigneh ban ioh ban plie noh ia kane ka iew kaba don ha Ringrey.
Kane ka iew kaba la shna kyrpang na ka bynta kito ki nongdie jhur ha madan ba kin leit sha katei ka iew kaba thymmai kala long ka jinglehrain na ka bynta ki paidbah katei ka thain da ki bun bun bnai.
Na ka liang u MLA jong ka South Tura u John Leslee K. Sangma u la khanglad ban plie ia kane ka iew namar ba kam shym la long kaba bit ba biang katkum ki kyndon shna iing kiba la buh da ka sorkar, u la ong ba lada ka sorkar ka leh jubor yn leit sha iing bishar.
Kane ka iew ka don ar mala bad ki kamra ki don 101 tylli baroh. Ia ka pisa ban tei ia kane ka iew la bei na ka skhim backward region grant fund (BRGF). Katkum ki kyndon ka iew ka dei ban don ki jaka ieng kali kin ala kiba biang hynrei ka Tura Municipal Board bad ka Urban affair department kila pynkhein ia kine ki kyndon baroh la kynnoh u MLA.
Na ka liang jong ka Urban Affairs Minister, ka kong Ampareen Lyngdoh kala bthah ia ka tand pynroi sor ba ka dei ban shna noh ia ka jaka ieng kali , la ong u Sangma. Haba ia dei bad ka jingbeh noh ia ki nongdei madan ba kin leit sha katei ka iew kaba thymmai na ka liang jong u tei u MLA u la ong ba ia mynta kim pat dei ban leit katba ka sorkar kam pat pybiang.(SP News)
