Shillong, Jymmang 02: U Director General jong ka kynhun shipai BSF, u K K Sharma u la wan jongoh ia ka jylla Meghalaya ban ioh jingtip halor ka jinglong jingman ha kaba ia dei bad ka jingai jingiada ha ki thaiñ khappud bad ka Ri Bangladesh.
Kane ka kynhun shipai kaba ai jingiada ia ka jylla Meghalaya ka long haduh 443 Km bad ka Bangladesh, ha kane ka jylla Meghalaya la buh da ka kynhun jong ka,09 BSF Battalions, ha kane ka jingwan ka jong u la kwah ban tip ruh ha kaba ia dei bad ka jingker sainar shiah ha khappud bad ka Bangladesh kala dep haduh katno.
Ha ka jingkren jong u Director General jong ki shipai BSF sha ki ophisar u la kynti ia ki ba ki dei ban long kiba phikir ha kaba ai jingiada ka ka khappud jong ka Ri bad ka Bangladesh u la ong ba ki paidbah kiba im ha khappud ki dei ban ioh ia ka jingshong shngaiñ.
U tei u heh duh jong ki BSF u la leit ban jngoh ruh ia ka shnong Pyrdiwahbad ha Haria ha kaba la synran lang da u R. P. Singh, IPS, Addl Director General, Eastern command BSF, Kolkata ha kane ka jingleit jong ki, kila ia kynduh ia ki trai shnong ban ia kren ban sngewthuh ia ka jingeh ka jong ki paidbah.
