Tura, Naitung 01: Ki pulitjong ka jylla Meghalaya mynta ka sngi kila siat iap u wei u lehnoh jong ka seng A’chik Songna An’pachakgipa Kotok (ASAK) bad la kem ar ngut ki wei pat la kem da ki pulit na ka jaka kaba la tip kyrteng kum ka Rewak ha jan Baghmara ha South Garo Hills.
Kane ka jingkhyra ha katei ka jaka ka la sdang naduh ka por jan miet jong ka 30 tarik bad kala bteng haduh mynta ka sngi. Kane ka jingleit ban kyndang ha katei ka jaka ka long ha dien ka jingshah rahbor jong u ba trei welding ha ka shnong Rewak bad ia u la ioh ban pynlait mynta ka sngi ha ka por 5 baje mynstep.
Kane ka jingiasiat hapdeng ki pulit bad ki lehnoh kala neh kumba 20 minit ei ei, na kane ka jaka ki pulit kila ioh ban kurup kawei ka surloi IANS bad kit kot kisla kiba ia dei bad kane ka seng.(SP News)
