Shillong, Jylliew 30: Ka Seng Federation of Khasi-Jaintia Jaintia bad Garo People West Khasi Hills (FKJGP) hynne ka sngi ka la leit ban aiti da ka jingthoh ha ka ophis u Executive Engineer PWD Road National Highway ha Shillong, halor ka phang ban shna pynbha ia ki jingkieng ha ka wah Nanbah Nongstoin.
Haba iakren bad u President ka FKJGP West Khasi Hills District u bah Chandra Nongdkhar u la iathuh ba ha kane ka jing wan jong ki ban ia kynduh ha u Executive Engineer ka National Highway ka long namar ka jingsngewkhia jong ka seng halor ka jingshna ka sorkar ia ka surok two lane ha Nongstoin, Kyrshai Chaygoan.
Haka ba ka la don kawei ka jingshna ia kawei ka jingkien ha Nonbah, ha kaba jingshna ia katei ka jingkieng ka la pynlong ban ktah ia ka lynti iaid jong ka um, namar ba kane ka jaka ba la shna jingkieng ka dei ka jaka ba Jan man la u snem ka don ka jingshlei um.
Shuh shuh u la ong ba nalor ba ka la dei lypa ka jaka ba khim ban iaid ka um, la shna da ki Paia bad buh ia ki maw, kane ka la pynlong ban nang thud shuh shuh ia ka jingiaid ka um.
Ha kajuh ka por u la ong lada ka long ha kane ka rukom shna, lehse ka lah ban buh jingma ruh ia ki briew kiba iaid ba ieng na katei ka jingkieng, namar ba ka jia ka jingshlei um ha ki por ba heh ki wah.
U bah Chandra Nongdkhar u la ong ba halor kine ki jingpynsngew jong ka seng na ka liang u Executive Engineer ka tnad Executive Engineer PWD Road National Highway u la kular ba un iashimkhia ia kane ka kam watlada ia katei ka kam la peit da ka NHIDCL.
