Shillong, Naitung 26: Myntri Rangbah ka jylla u Conrad K Sangma mynta ka sngi u la ia kynduh ia ki paidbah kiba hap hapoh ka Betasing C&RD Block jong ka South West Garo Hills District lyngba ka CM-Connect bad kane ka jingiakynduh paidbah ka dei ka sien kaba lai.
Ha kane ka sngi palat hajar ngut ki paidbah kila wan ban ia shim bynta ban sngap ia ka jingkren jong u myntri rangbah ka jylla bad ha ka juh ka por ban pynsngew sha u ia ki jingeh kaba ki paidbah ki don ban iathuh.
Ha kane ka jingialang kylli u myntri rangbah ka jylla hato ki paidbah ki ioh ne em ia ki skhim kiba la mang na ka bynta jong ki paidbah, la ong ba lada don ki jingduna kin sngewbha ban iathuh ba ka sorkar kan ioh ban pynbha ha ki nongkyndong.
U myntri rangbah ka jylla u la ong ba u don ka jingkyrmen ba lyngba kane ka CM-Connect kan iarap ia ki paidbah ba kin lah ban pynbeit ia ki jingeh, ha ka juh ka por ban sngewthuh ia ka jingtrei kam ka sorkar bad ki bor jong ki District ban weng ia ki jingeh da ka jingthmu ban iarap ia ki paidbah.
Ha kane ka jingiakynduh ia ki paidbah, ka jingud jong ki paidbah ka long ba kam don ka bor ding eleltrik kaba biang bad don kam ia ki nongtrei kiba la tip kum ki lineman, haba ia dei bad kane u myntri rangbah la ong ba don kam ki bynta ban pynbeit noh bad ki bynta ki ban sa shim por.
Haba ia dei bad ka jingsniew ka surok na Ampati sha Purakhasia la bthah ia EE ban pynkhreh ia ka skhim lyngba ka PMGSY ha ka bynta kaba lai bad la bthah ba kin maramot ia kane ka surok.
Kiwei ki jingeh kiba la pynsngew sha u myntri rangbah ha kane ka jingialang ki long ka um ha Ampati haba ia dei bad kane ka top um la shna bad mynta la jan dep.
Ha kane ka jingialang la ia kren ruh ia ki jaka ring um sha ki jaka rep. ka iing skul hapoh ka shnong Murchapani, ha kane ka sngi la don lang ka Hema Nayak IAS ka DC jong ka SWGH District.
