Shillong, Nailur 09: Ka iing dorbar thawain ka jylla mynta ka sngi ha ka sngi sdang jong ka jingiashong dorbar kala kynmaw burom ia ki hynniew ngut ki dkhot jong ki iing dorbar thawain jong ka Ri kiba la khlad noh. Na kine, lai ngut ki dei na kane ka jylla Meghalaya.
Ha kane ka jingkynmaw burom ia ki dkhot jong ki iing dorbar thawain jong jylla ha kaneka Ri, India la kren nyngkong da u nongialam jong ka iing dorbar u myntri rangbah u Dr Mukul Sangma, kiwei kiba la ia shim Bynta ki long u Bah DD Lapang, SC Marak , MartinM Danggo, James K Sangma, Dr Donkupar Roy, Dr Jemino Mawthoh, Bah HDR Lyngdoh.
Ia ka jingkren khatduh la kren da u shongknor jong ka iing dorbar u AT Mandal, ha ka jingkren ka jong ki baroh kila pynpaw ia ka jingtrei shitom jong kitei ki MLA baroh kiba la trei na ka bynta ka roi ka par jong ki jylla kaba ki mih khmat hala ka jong ka jong ka jinglah jong ki.
Ha kane ka jylla Meghalaya ki don lai ngut ka iing dorbar kala kynmaw burom kiba la shakri ia ka jylla ha ka por ba ki dang long ki nongmih khmat bad kito ki long u Bah OL NOngtdu 78 snem, u ba la khlad noh haka 7 tarik jong u bnai Jymmang, u N M Simchang 56 snem, u Bah Medras M Umlong 78 snem.
