Shillong, Jylliew 23: Ki riew rangbah jong ka seng Congress na Nongstoin mynta ka sngi kila leit ban ia kynduh ia u president jong ka MPCC u Bah DD Lapang, ha kaba kila ai ia ka jingujor ba dei u Bah Gabriel Wahlang u ba kwah ban pynwai noh ia ka Nongstoin Block Congress Committee (NBCC).
Ha kane ka khubor kaba la phah sha u Bah Lapang kine ki hynriew ngut kila ong ba kim kwah ban ia treilang bad u bah Gabriel kum u convener jong ka NBCC, la ong ba lada ka MPCC kam lah ban pynbeit ia kane ka jingeh ka seng Congress kan ia kynduh mawsiang ha u snem 2018.
Kine ki hynriew ngut kiba la sai kyrteng ki long u Bah ,S Wahlang ,T Lyngdoh, DD Nongsiej, CS Marngar, BK Marngar, OK Bani, na ka liang jong kine ki rangbah kila ong ba ki sngewsih ban iohi ba la pynwai jubor ia ka NBCC.
