Shillong, Naiwieng 13: Ka party congress hapoh nongbah kala dang pra ha kaba u MPCC Secretary ba dei peit ia ka Nongpoh Konstitwensi bah u bah Cores Marwein mynta ka sngi u la ai ia ka shithi resign ha u president ka MPCC u bah Vincent H Pala ha Congress Bhavan Shillong.
Haba dien bala dep ban ai ia ka shithi resign na ka party Congress bad na ka kam kaba u bat ha ka party kum u MPCC Secretary ba dei peit ia ka Nongpoh Konstitwensi la ong ba naduh ka sngi kaba u thep nyngkong haduh u snem 2019 u thep ia ka vote jong u ha ka Congress.
La iathuh ba ha ka jingshisha um dei u nongkit kam hapoh ka party hynrei ha dien bala mih noh u MLA bah Maralborn Syiem bad u MDC u bah Balajied Rani, u President ka MPCC u la wan khot ban lum ban lang biang ia ka party Congress ha Nongpoh Konstitwensi.
Kum u briew ba don ha ka party u la leh ia kaei kaba la kyrpad ia u ban lum ban lang biang ki nongkit kam ka party Congress, hynrei katba dang iaid ki sngi la shem ba kane ka party kam sym la pyniaid beit iaid ryntih ia ki kam party hapoh katei ka konstitwensi ha Nongpoh, khatam haba kila leh klet ia ki nongtrei party ha ki shnong.
Dei halor katei ka nongrim ki nongkyrshan congress na ki 128 tylli ki shnong kiba u juh leit ban ia syllok kim kwah shuh ban don ha ka party Congress namar ba ka jingthep ia ki kyrtong dei kiba wan na kawei party kam don jignmut shuh ban don ha ka party Congress kumta u hap ban mih noh na ka Congress.
