Shillong, Jylliew, 26: Ka liang pyrshah ha ka jingialam jong u bah PN Syiem mynta ka sngi ki la mih jyndat na ka dorbar jong ka khasi Hills Automous District Council khlem pat da kut ka dorbar ka jingmih noh jong ki na ka dorbar khlem pat da kut ka long namar ka jingpyrshah ka jingpass ia ka bill jong ka Hima bhowal.
U bah PN Syiem ha ka jingiakynduh bad ki nongthoh khubor u la ong “kane ka jingleh jong ka liang iatei ha kane ka por ka long ba ka la shu leh jubor khlem da sngap ia ka jingong jong liang pyrshah ne khlem ai lad ban iakren hynrei la pass beit ia kane ka bill”
U bah PN syiem u la kynnoh ia ka EC ba ka la paw ba ka dei ka jingleh jubor ba ka la thung ia u Acting syiem jong ka Hima Bhowal u ba dang don tang 20 snem 9 bnai, namar kat kum ki kyndon ba la buh ka long 25 snem, hynrei ne ne ka la paw shai ba ka EC ka la leh jubor bad kane ka long kaba beain.
U bah PN syiem u la ong ruh ia u Deputy Chairman bah Pyniaid sing Syiem ba pyniaid ia kane ka dorbar ha kane ka sngi da ka ba ong ba u chairman Um don ia kata ka bor ha u kum u nongialam hynrei imat la dei ba la ong lypa ia u ba dei ban pyniaid beit ia ka dorbar ym da ka mon jong u hynrei u la shu sngap ia ka jingong jong no re jong no, u la ban ruh ruh u chairman tang ban pynshai ia kane ruh um lah bad khlem da sngap bad khlen da ailad ia ka jingong jong ki bad haba ki ong ban ia khein ia ka jingbun ki dkhot na ka liang pyrshah bad na ka liang ia tei ia ka ym sngap hynrei u la iaid beit shakhmat.
Ha ka juh ka por u Bah syiem u la ong kane ka jingleh ha kane ka por ka don ka ei ka ei kaba sha lyndet, bad ngin ym ailad ia kaba kum kane, ka jingmut ba la wanrah khnang ia kane ka mat jingiakren ha ka ne ka dorbar ka long ban ia tai lang na ka liang iatei bad na ka liang pyrshah hynrei la weng jubor ia ka ne bad la pass jubor ia kane ka bill khlem ka jingiahun lang baroh arliang.
Ka ne ka EC ba Thymmai ba ka long mynta ka dang ioh pynlong dorbar dang tang arsien hynrei nga sngew ba ka ne ka EC ka long kaba leh jubor, haba iadei bad kane ngin hap ban ia kynduh ruh ia u Legal expert bad wat lada ngin hap ban buh ai ka jingthoh sha u Governor ruh, ngin ym ailad da lei da lei ruh ban pass jubor ia kane ka bill la ong u bah PN Syiem.(SP News)
