Shillong, Iaiong 24: U bah Stodingstar Thabah kyrtong ka All India Trianamol Congress party ba ia khun ia ka MLA elekshon MLA na ka 23-Sohiong Constituency u la kynthoh jur ia ka jinglap election jong u kyrtong ka NPP u bah Samlin Malngiang u ba kren kynthoh pyrshah ia ki nongialam niam bapher bapher ha ka por ba u ialap election ha kine sngi ba lah dep.
U bah Stodingstar Thabha haba kren ha ki lat pathai khubor mynta ka sngi ha Shillong Press Club u la iathuh ba ka jingkren jong u bah Samlin ka long ka bym shongnia ia ki nongialam niam namar ba ka kam jong ki ka long ban sharai ia ka Balang bad ki nongialam niam kim ju don bynta ei ei ruh bad ka siañpyrthei .
Na ka liang jong u kyrtong ka AITC u la buh ia ka jingkylli kumno une u kyrtong Ka NPP u kren kynthoh pynban ia ki, u bah Stodingstar Thabha u la ong ba ki dei ki briew ki ba hap ban burom, la ong na ka liang jong u u pynrem ia kum katei ka jingkynthoh.
