Shillong. Lber 10: Mynta ka sngi u bah George B Lyngdoh MLA jong ka Umroi Konstitwensi, ha shuwa ban wanrah ia ka Bill kaba la tip kyrteng kum ka “The Meghalaya Compulsory Protection of Welfare of Children With Special Needs, Bill 2022,” la pan jingbit na u Lamphang ban pynshai halor kane ka Bill.
Haba pynshai ia kane ka Bill u MLA jong ka Umroi la ong ba la wan rah ia kane ka Bill ka long ban don da ka ain ban iada kyrpang ia ki khynnah kiba don ia ki jingduna ha ki dkhot met namar kane ka ktah ia ki long iing kiba duk bad da kane ka Bill lada ka long ain kan iarap ia ki khynnah ban ioh ia ki jingiarap kyrpang na ka sorkar.
Ha dien bala dep ban pynshai la wanrah ia kane ka Bill kaba la tip kyrteng “The Meghalaya Compulsory Protection of Welfare of Children With Special Needs, Bill 2022,” ha kaba u Lamphang ka iing dorbar bar la buh ha khmat ka iing la ban pdiang ne kyntait.
Haba la buh ha khmat ka iing dorbar, ban shim ia ka rai kane ka Bill kala shah rem namar ka liang synshar kaba la don ha ka jingbun paid kala jop ban pyrshah ia kane ka Bill da kaba vote ban shu pynmih sur.
