Shillong, Lber 17: U Lamphang ka iing dorbar u bah Metbah Lyngdoh mynta ka sngi halor ka jingujor jong u MLA ka 17-Shillong North u bah Adelbert Nongrum da ka “Breach of Privilege’ labuh ha khmat ka iing dorbar ha kaba la iing dorbar kala kyntait ia kane ka mat ia kren.
Ha dien ba ka iing dorbar kala kyntait ia kane ka ‘Bridge of Privilege’ u Lamphang ka iing dorbar u la pule ba katkum ka rule pyniaid ia ka iing dorbar kaba 314 la ong ba ka rai jong u Lamphang ka iing dorbar ka long ka rai kaba kut.
Haba wanrah ia ka ‘Privilege Motion’ u MLA jong ka 17-Shillong North u bah Adelbert Nongrum la ong ba kane ka 8th Lber 2022 ha ka por ba u wanrah ia ka Private Members Bills la ong ba u Lamphang ka iing dorbar u la ong ba la bthah ia u ban kyrpad ia ka iing dorbar ban wanrah ia ka “Meghalaya Agriculture Land regulation” Bill 2022.
Kumba la bthah la kyrpad ha ka burom ka shuki ban wanrah hapoh ka iing dorbar da kaba jerkyrteng bad ia ka bill kaba la wanrah hapoh ka iing dorbar la kyntait da ka iing dorbar, la ong ba um don jingeh bad ka jingshah kyntait ka bill hynrei u don ka jingeh bad ia ka hok jong u kum u dkhot ka iing dorbar la shah ktah.
Kane ka jingshah ktah ka hok jong u ka long haba u Lamphang ka iing dorbar la bthah ban kyrpad bad katkum ka rule pyniaid dorbar la ong ba kam don ka kata ka ktien kyrpad ha kano kano ka bynta laitnoh ha ka rule 113 kaba kren ia ka jingkyrpad, la ong ba ka jingwanrah jong u ia ka Private members bill kam dei ka jingkyrpad.
Katkum ka jingthoh kaba la ai sha ophis ka long ba ka dei ka mat ia kren ban pan jingbit ban wanrah ia ka Private members bills, kata ka long katkum ka rule 65(1) ka kren ka rule kam shym kren ban ong ban kyrpad ban wanrah ia ka bill, la buh ia ka jingkylli balei u Lamphang ka iing dorbar u kynriah na ka rule pyniaid dorbar bad ong ba un kyrpad ban wanrah ia ka Bill bad balei phi khlem bthah ban wan rah ia ka bill bad u shim ba kane ka jingleh ha katei ka sngi ka long jingkhang lat ia ka hok jong u “Breach of Privilege”.
U MLA jong ka 17-North Shillong u la ong ba kat kum ka riti synshar jong ka Ri India u artikle 194 jong ka section (1) kane ka jingleh kala khang lat ban kren kat kum ka Riti synshar paidbah kum u nongmih khmat namar ka don ka jingiapher haba ong kyrpad ban wanrah ia ka Bill bad wanrah ia ka bill, lada ka long kumta balei phim shym la pyntip da kaba kdew ia ka rule bad kane kan weng ia jingsngewthuh bakla.
Halor kane ka jingkren u MLA ka 17-North Shillong u nongialam ka liang pyrshah u Dr. Mukul u la ieng ban ong ‘Point of order’ katkum ka rule 300, la ong ba ka long kaba don kam ban pynbeit ba katkum ka rule pyniaid ia ka iing dorbar bad kumba ka long ki ba bun ki peit ia kaei kaba ia kren khamtam lei mynta.
U nongialam ka liang pyrshah la ong ba lada ka don kano kano ka jingkynnoh pyrshah ia u Lamphang ka iing doprbar yn nym lah ban wanrah hapoh ka rule 158 jong ka rule pyniaid ia ka iing dorbar lada hap ban wanrah pyrshah Lamphang ki don kiwei ki rule kiba la lah ban leh ba u dkhot ka iing dorbar u hap ban peit ia kane.
Halor kane na ka liang jong u Symbut myntri rangbah ka jylla u la ong ba halor kano ka rule ba wanrah ia kane ka mat ia kren ba u wanrah ia kane ka ‘Breach of Privilege’ ia ka shuki jong u Lamphang, lada kam don dei ban weng na ka jingiakren bad u la ai jingmut ba kane ka ‘Breach of Privilege’ kan long ia u dkhot ka iing dorbar bar.
Na ka liang jong u Lamphang ka iing dorbar hadien bala sngap ia ka jingiakren na baroh ar liang la ong ba hapoh ka rule 71 la shah ban kren lynkot, hapoh kane ka rule la dep ban kyrpad ban kren shuwa ban wanrah ia ka bill, nga la shah ia u bah George B Lyngdoh u ruh bala wanrah ia ka Private members Bill ha ka 10 march 2022, hynrei kam shym don kata ka jingkwah na ka liang jong u ha kaba um ai lat.
Kumba la kdew hapoh ka rule 162 bad 163 halor kane mynta ynbuh ha khmat ka ing dorbar ban pdiang ne kyntait ia kane ka Privilege motion ha dien ba la buh ha khmat ka iing ka iing dorbar kala kyntait ia kane ka mot ia kren kaba la wan rah da u MLA jong ka 17-Shillong North.
