Shillong, Nohprah 15: Ka Khasi Student’s Union iooksi unit ka la kyntait war iaka jing kynnoh bad pharep jubor ki pulit iaki 6 ngut ki samla ba ki donkti ban lute trok ha Hynniewmer Weight Bridge.
Kat kum ka jing iathuh ki nongialam ka KSU la ong ba kine ki samla kidei ki Nongkhaii dewiong bad ha kane ka miet ki dang mut ban leit pynhap dewiong sha Gauhati hynrei yn da poi ha 7mer Weight Bridge ki don ki pulit kiba pan pisa jubor naki haka dor RS 1000 tyngka kawei ka trok.
Hynrei ki la kyntait ban siew iaka pisa bad naka jong kyntait jong ki ka la poi syndon sha ka jing iatainia kaba jur bad don ruh napdeng kita ki samla kiba ring video ruh ia kata ka jing kha jia hynrei iaka mobile jong ki la knieh daki pulit kiba ym ithuh kyrteng.
Ka seng ka ong ba kane ka jingkhrong pisa na ki trok dewiong kadei man ka miet khamtam ia kito kiba kit beain khlem don Challan.
Ha kaba ia dei bad kata ka bolero kaba ki pulit kiba kynnoh ba shah rah bor naka Liang kita ki samla kimtip eiei bad Kim don jingiadei eiei bad kata ka jing rah bor iaka bolero namar ki pulit ruh ki iohi ba ki khlem pyndonkam daka bolero hynrei ki pyndonkam daka Maruti Car bad ka Maruti Zen kaba ki juh pyndonkam hi haba leit thep dewiong bad ban leit donkam kham tam haba leit bud iaki kali ba ki kit dewiong.
Ka Seng ka pynshai ruh ba iaki tei ki samla ym shem la kem kumba la kynnoh daki pulit ba la kem iaki haka por ba ki dang swait sha Jan ka Weight Bridge hynrei la kem iaki na dukan ja haka por ba ki dang mut bamja.
Ka Seng ka kyntu iaki pulit ba kidei ban pharep kulmar iaki samla khlem da don ki sabut kaba biang namar ka jing pharep kulmar ka lah ban wan rah iaka jing jot haka burom kham tam ka lah ban ktah ruh iaka lawei kine ki samla.
Khatduh ka Seng ka kyntu iaki pulit ba lada ki kwah ban pynduhjait iaki kam lute ki dei ban kem shwa iaki to kiba juh khrong pisa man ka miet ha u surok JOWAI Byepass bad kum juh ruh iaki to kiba shong duty ha Weight Bridge 7mer.Kane ka long kat kum ka kyrwoh ba la phah daki nongialam ka KSU iooksi unit.
