Shillong, Jylliew 23: ka Jaintia Students Union (JSU) Sengkmie hadien bala ia kynduh iaki katto katne ki Member bad kumjuh ruh iaka Member Secretary jongka ” Pnar Alphabet Committee” ka Commiittee kaba la shna daka Council naka bynta ban thaw noh iaki dak thoh (Alphabet) jongka ktien ‘Pnar’, ka seng kala kyrpad ia u CEM ka JHADC u ba dei ruh u Chairman bad iaka kong C. Tyngkan kum ka member Secretary jong kane ka Conmmittee ban khot noh kloi iaka jingiashong kaba nyngkong jongka ha kine ki khyndiat sngi ban wan khnang ban dup lah ban iaid kloi iaka kam.
Hapoh kane ka Commiittee, la kynthup iaki Saw ngut ki MDC ki ba bat ruh iaka kyrdan EM bad arngut ki Ophisar ka Council bad kumjuh ia ki riew shemphang jongka Rilum Jaintia kiba kynthup ia u Chaphrang Ch Passah, Rikoma .Q Laloo, Phillo Passah, Hebormi Sungoh, Casien Suchiang, Rikut. N Parien president JSU bad kiwei kiwei.
shuh shuh na ka liang ka JSU ka la pynpaw iaka jingsngewnguh, bad ka jingiaroh iaka EC jong ka JHADC hapoh ka jingialam jong u CEM ma Thombor Shiwat kiba la shimkhia ia kane ka bynta da kaba thung iaka Committee kaba pura kaba la tip kum ka ” PNAR ALPHABET COMMITTEE” na ka bynta ban bishar bniah bad ban thaw noh iaki dak thoh jongka ktien ” PNAR” khnang ban dup lah ban pynneh pynsah iak ktien Pnar ha ki pateng kiban dangwan.
kane kadei ka sien jam kaba bha tam jongka JHADC, bad ngi kyrmen ba kane ka Committee ka kan duriap iala ka jong ka kam khnang ba ka kam kan ymlong kaba santeng hynrei ban iaid shait shait khnang ba ka ri bad ka jait bynriew kan nangkiew irat ha ki sngi ki ban wan, pynkut ka kyrwoh khubor na U Chebha Passah. Cultural Secretary Jaintia Students’ Union.
