Shillong June 12: Ka seng HNLC ha ka kyrwoh kaba la phah mynta ka sngi kala kyntu ia ka sorkar jylla ba ka dei ban pynlait noh ia ki nongialam jong ka seng KSU kiba la shah kem, kane ka jingleh jong ka sorkar Meghalaya lyngba ki pulit kan wanrah ia ka jingiakhun pyrshah da kaba kem ia ki nongialam jong katei ka seng, ka jingthwet ia ki kalong la kumba thwet ia ki lehnoh, la ong u Bah Sainkupar Nongtraw Publicity Secretary, HNLC ha ka kyrwoh kaba la phah sha ki lad pathai khubor mynta ka sngi.
Ka jingiakhih halor ka ILP la ialam da ki 13 seng, hynrei mynta dei tang kawei kaseng kaba shah thewt ha ki bor jong ki pulit, ka seng HNLC ka kynnoh ba dei na ka jingleh jong ki bor ba dei peit ia ka District kaba la wan rah ia kane ka jingeh da kaba kem ia ki dkhot jong ka seng KSU. Ka seng HNLC ka buh ka jingkylli kaei ka jingkyrkieh ban wanrah ia kata ka lynti rel haba ka ioh ka kot ha ka jylla kala jan khyllem.
Na ka liang jong u myntri rangbah u la kular ia ki seng bhalang ban don ia kita ki lad jingiada ban khanglad ia ka jingwan rung tuh jong ki briew kiba na bar sha kane ka jylla ban don ia ki jaka rung jaka mih la ka long ha Garo Hills, Khasi Hills bad Jaintia Hills, hynrei mynta ki khun samla kila hap ban phet rieh bad kane kam don jingiapher na ka jylla Kashmir la kynnoh ka HNLC.
Ka seng HNLC ka kylli sa katno hap ban kem, hynrei ka jingnang bun ka jingkem kata ka jingduh kan dang wan bad kan dang kham sniew shuh shuh badkane ka jingthwet ia ki leh se kan pnylong ia kitei ki khun samla ba kin leit sha ka seng HNLC ban pan jingiarap ia kaba kim kwah ban ki khun samla kin pyniasoh bad ka seng.
Naka liang jong ka HNLC ka kyntu ia ka sorkar jylla ba kan pynlait noh mardor ia ki nongialam jong ka seng KSU ia baroh kiba la shah kem kum ia u president ka North Khasi Hills u Ferdynald Kharkamni, Sonstar Nongkhlaw bad kiwei ki dkhot kiba la shah kem, kane ka jingong jong ka seng HNLC ka long lada ka sorkar ka kwah ban ka jingsuk kan wan biang hynrei lada ka jingsuk kam wan ka sorkar ka hap ban shim ia ki jingkit khlieh la ong u Bah Sainkupar Nongtraw Publicity Secretary, HNLC.
