Shillong, Kyllalyngkot 14: Ka Lympung Ki Seng Kynthei Shillong ka kyrpad ia baroh ki tnat treikam bad kumjuh ia baroh ki Seng Kynthei, Seng Longkmie ha ki shnong bapher bapher kiba hap hapoh u pud jong ka KHADC sngewbha ban iawan khnang khlem pep mar 10 ngut na kawei kawei ka seng.
Ba kin ia poi sha kane ka jingialang paidbah halor ka jingithuh bad pynkupbor ia ki Dorbar Shnong, Seng Kynthei, Seng Longkmie bad kiwei de kaba la pynlong da ka Khasi Hills Autonomous District Council (KHADC) ha ka 18-01-2025 por 10:30 mynstep ha Madan Polo Shillong, kane ka long katkum ka kyrwoh kaba la phah da ka kong Kong T. Swer General Secretary Ka Lympung Ki Seng Kynthei.
