Shillong, Naiwieng 09: Ki seng bhalang jong ka East Garo Hills mynta ka sngi kila kyrpad ia ki nongrah bor ba kin pynlaitnoh ia u nonghikai LP school na ka shnong Nengsang A.gure. Ia une u nonghikai ba la tip kyrteng kum u Rechard Stranger M Sangma.
Ha ka kyrwoh kaba la phah da ka u general secretary jong ka GSU, la ong ba kane ka jingshah rahbor jong ki nonghikai khamtam ia kito kiba hikai ha ki nongkyndong kan ktah ia ka pule puthi jong ki khynnah skul na ka liang jong ki seng bhalang baroh ki kyntu ia ki nongrah bor ba kin pynlait noh ia une u nonghikai.
Une u nonghikai u hikai ha ka LP School SSA bad kane ka jingjia kala pynshong syier pynshong siej ia ki paidbah kum ki ki seng bhalang ki kwah ban iohi ba ka jingshong shngian ka dei ban don ha ka imlang sah lang ka long kaba sngewsih ban iohi ba ki nonghikai kin long ki sohpdung.
