Shillong, Jylliew 04: U myntri khynnah jong ka sorkar pdeng u ba dei peit ia ka tand Development of North Eastern Region (DoNER),Youth Affairs bad Sports,bad kiwei kiwei u la bthah ba dei ban bthah ia baroh kiba la shongthait na ka kam ba ki dei ban thep lang ia u AADHAAR ha ki bank na ka bynta ka bai bam tynmen jong ki, ki bnak kiba siew ia ka bai bam tynmen ki hap ban leh ia kane kane kalong ban pynsuk ha kaba phah ia ka pisa jong ki.
La bthah ia baroh ki sorkar jylla bad ki Union Territory ba kin pynsngewthuh ia kane ka jingdon kam jong u AADHAAR, la bthah ruh ba dei ban pyntip paidbah ha kaba ia dei bad kane ba dei ban leh lyngba ki lad pathai khubor katba don ki lat ki lynti, la ka long lyngba ki Radio,ki TV ne kino kino ki lad khang ba ki paidbah sha ki nongkyndong ruh kin dup ioh jingshai.
U myntri khynnah ka sorkar pdeng u Dr. Jitendra Singh u la ong ba kito kiba la shongthait na ka kam ki dei ban leh noh bad kane kan wanrah ka jingmyntoi iaki hi hakaba ia dei bad ka jingsiew ia ka bai bam tynmen kajong ki lyngba ki bank ba ki sei iakane ka bai bam tynmen.
