Shillong, Naitung 22: Ka Joint Action Committee (JAC) kaba ia dei bad ka surok Two Lane na Nongstoin sha Mawthabah, ka kyrpad ia ki seng bhalang baroh ban pdiang ia ka sruok bad ban pyrshah ia ka jingtih Uranium, la ong u Bah Westlight Lyngdoh Sangrian trai khyndew na wahkaji.
Haba kren ha ki nongthoh khubor ha dien ba la kut ka jingia kren bad u myntri rangbah ka jylla U Bah Sangriang u la ong ba kum ka JAC ka kyrapd ia ka sorkar ba ka dei ban shna ia kane ka surok na ka bynta ka jingdon kam ki paidbah ka tei ka thain kiba dang sah dien ha kiba bun ki liang.
Haba phai sha ki para seng bhalang, la ong ba u da kyrpad ia ki ba kin pdiang ia kane ka surok na ka bynta ka bha ka miat jong ki paidbah katei ka thain bad na ka liang jong ka JAC ruh ka pyrshah ia ka jingtih Uranium ia mynta bad lada ha dien ha but la ia pdiang lang da ki ba bun ba lang ki ruh kin hap ban ia mynjur lang.
Ha kane ka sngi na ka liang jong ka HANC kaba kyrshan ia kane ka surok ruh kala don lang ha kane ka jingiakren bad u myntri rangbah lem bad kiwei ki para seng bhalang ha kaba la lam khmar da u Bah Riki Sohlang.
