Tura, Jylliew 26: Mynta ka sngi u wei u hati khlaw u la kyrdem ia u wei u briew ha ban da iap ha ka shnong ka Gangbanga kaba don ha jan jong ka shnong Dalu ha West GaroHills District.
Kane ka jingjia kala jia ha ka por kumba ar baje shiteng synia, ia une u ba la khlad noh ha kane ka jingjia ba sngewsih la tip kyrteng kum u Warson Sangma, 32, u dei ruh u nonghikai jong ka lower primary school.
Kane ka shnong Gangbanga ka don ha khappud bad ka Bangladesh, ki pulit ki iathuh ba u Sangma u la shah kyrdem ha u hati ha ka por ba u dang wad ha ei u hati u don ha jan jong ki iing jong ki para marjan. Na ka daw jong ka jingdum um shym la iohi ia u hato b hati ba wan tur sha jan jong u.(SP News)
