Shillong, Nailur 28: Ka Central Puja Committee (CPC) ka kyrpad ia ka Meghalaya Energy Corporation Limited (MeECL) ba kan nym pynlitp light ha ka por leh niam Durga Puja ka ban sdang ha ka 7 tarikb ad kan kut ha ka 11 tarik jong u bnai Risaw ban wan.
Haba kren ha ki nongthoh khubor mynta ka sngi ha Shillong Press Club na ka liang jong u president u Naba Bhattarcharjee bad u Genenral Secretary u J L Das, kila iathuh ba kin leit ban ia kynduh ia ki briew jong ka MeECL ha ka sngi nyngkong ban wan ban kyrpad ba kin nym pynlitplight ha ka por lehniah Durga Puja.
Haba ia dei bad ka jingmaham jong ka tand khlaw jong ka sorkar jylla ban nym pyndon kam ia ki kynja rong kiba lah ban pynsniew ia ka mariang u Bhattacharjee u la ong ba na ka liang jong ka CPC kala dep ban bthah ia ki nongshan dur mot naduh u snem 2009.
Na ka liang jong ka CPC kan pynlong ia ka jingiakynduh lang jong baroh ki jaitniam ha ka 4 tarik jong u bnai Risaw, kane ka jingiakynduh kala iaid mynta la saw snem lynter bad kan kan dang iaid beteng, namar kane ka jinglehniam Durga puja kam dei tang ka jinglehniah hynrei ka dei ruh ka jingiakynduh lang.
La iathuh ba ha kane ka jylla Meghalaya baroh ki jaka leh niam Durga Puja mynta u snem ki don 166 tylli ki pandals , ha khasi hill ki don 92 tylli bad na kine 67 tylli ki don ha kane ka nongbah Shillong,ha RI Bhoi District ki don 11 tylli ki pandals, ha Jaintia Hills ki don 9 tylli ki pandals bad ha Garo Hills ki don 54 tylli ki pandals bad tang ha Tura ki don 24 tylli.
